📖📚按揭小知識 🧑‍🏫
🏦銀行拒批❌樓花按揭🌸，點算好？🤷‍♀

去年年尾出現幾宗「拒批樓花按揭」事件，買咗樓花但係銀行唔批按揭，買家隨時撻訂蝕錢，非常頭痕。如果不幸發生喺自己身上，身為買家嘅你，應該如何自處？

✅未雨綢繆，做足準備
當新盤開賣時，部分銀行已經有內部指引，決定會唔會接受新盤樓花按揭申請。所以喺簽約前，要搵定接受按揭申請嘅銀行，否則簽完約先知銀行唔批按揭，大大增加撻訂風險！

✅建期付款
買一手新盤時，會有「即供」及「建期付款」兩種付款方式。
「即供」係指簽約後，需要於指定日期內繳付金額。如果揀咗「即供」，買家支付樓價餘額時，物業仍屬於樓花階段，銀行就可能拒絕批出按揭。
「建期付款」係指簽約後，只需要繳付特定百分比的金額，而樓價餘額就可以於收樓後繳付。由於繳付樓價餘額時，物業已經係「現樓」狀態，銀行就會接受按揭申請。

✅發展商有冇「發展商按揭」？
唔少嘅發展商新盤，發展商都會提供按揭計劃。如果銀行唔批樓花按揭，買家可以申請發展商按揭，等收樓後再轉去銀行按揭。不過，就算可以申請發展商按揭，都要留意息率高低，因為一般發展商按揭都係「先低息、後高息」，過咗低息期後，息率可能好高。

🧑‍🏫買樓前一定要做足功課，咁就萬無一失啦！👍✨